Dit is altyd belangrik vir MBW om terug te gee aan die gemeenskap. Vanjaar het ons besluit om as deel van ons Kersprojek, die Boervrou Bederfboks Inisiatief te ondersteun.
Die Boervrou Bederfboks initiatief is oorspronklik begin deur die Wellingtonse Landbouvereniging na afloop van die erge droogte in dele van die land.
Hierdie bederfbokse bevat alledaagse benodighede vir die gemiddelde boervrou, met so paar bederf items soos lipstiffie, tydskrif en serpie by. Elke boks het ‘n boervrou se naam en ‘n briefie spesiaal vir haar geskryf by.
